"Gere tergambar naku
Kune denem pekengkung wan tubuh jantung.
Bentuk e kadang peh teger, kadang peh lesu.
Ari kul ni ate, gere teperin aku kune langkahe si mugerutu mayo sawah ku mukmuk ni ulu.
Rasane gere tecegah aku
Dum dele e, dum kenake musarik sara sagi mumerin denem nge musapat sara kamul, engkip sara umah i buntul kemumu, unang-unang murara ilang teridah i hakim tungul naru.
Denem,
Gaehmu gere tejengkali aku.
Sarik sisu nume ken pesenen ike nge turah kite tetah langkah ku penghulu.
O denem,
Kao we turah kusapihi bier mutamas naru.
Sawahku entimi karu,
Si kerna sawahmu kujejontok buge kati mudemu.
O jarak,
Ku atas kite tangakan ku langit buge kati teratak mulempang susune,
Ku tuyuh kite murenung buge sawah si ken tunung,
Kusamping kite erah
Buge kadang muserah surak ni senye munyawah papah orom tuah.
Kao,
Denemku.
Kune denem pekengkung wan tubuh jantung.
Bentuk e kadang peh teger, kadang peh lesu.
Ari kul ni ate, gere teperin aku kune langkahe si mugerutu mayo sawah ku mukmuk ni ulu.
Rasane gere tecegah aku
Dum dele e, dum kenake musarik sara sagi mumerin denem nge musapat sara kamul, engkip sara umah i buntul kemumu, unang-unang murara ilang teridah i hakim tungul naru.
Denem,
Gaehmu gere tejengkali aku.
Sarik sisu nume ken pesenen ike nge turah kite tetah langkah ku penghulu.
O denem,
Kao we turah kusapihi bier mutamas naru.
Sawahku entimi karu,
Si kerna sawahmu kujejontok buge kati mudemu.
O jarak,
Ku atas kite tangakan ku langit buge kati teratak mulempang susune,
Ku tuyuh kite murenung buge sawah si ken tunung,
Kusamping kite erah
Buge kadang muserah surak ni senye munyawah papah orom tuah.
Kao,
Denemku.